Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kreu i Gjykatës Kushtetuese, Enver Hasani, ka reaguar ndaj deklarimit të liderit të VV-së, Albin Kurti, i cili në urimin për 28 Nëntorin foli për konceptin e “Nëntorit të Tretë”. Përmes një postimi të ngarkuar me simbolikë historike, Hasani ka “thumbuar” kryeministrin, duke theksuar se një Nëntor i Tretë nuk mund të ndodhë brenda kësaj gjenerate. Nga festimet e 28 Nëntorit në Korçë, Hasani kujtoi ditëlindjen e Adem Jasharit dhe daljen publike të Ushtrisë Çlirimtare të Kosovës, duke nënvizuar se këto momente përbëjnë kulmin historik të sakrificës kombëtare. “Me shokë dhe pa Ademin. Zoja Nurije mori vendin e dr. Ademit, i cili na mungon të gjithëve, dhe erdhi me ne,” shkroi Hasani, duke përshkruar atmosferën e festës.
Ai shtoi se përvjetori i Flamurit dhe ditëlindja e Komandantit Legjendar Adem Jashari janë momente të pandashme të këtij muaji historik. “Ta kujtojmë ditëlindjen e Komandantit Legjendar Adem Jashari dhe Nëntorin e Tretë, që nuk përsëritet më kurrë për këtë gjeneratë. Ta kujtojmë edhe daljen në skenë të UÇK-së, lajmëtaren e lirisë dhe të Nëntorit të Tretë,” shkruan Hasani, duke lënë të nënkuptohet se këto ngjarje janë të pakrahasueshme dhe të papërsëritshme. Ky reagim u interpretua si një kundërpeshë ndaj retorikës së Kurtit, duke hapur një debat të ri politik rreth përdorimit të simbolikës kombëtare dhe historisë së luftës.
