Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Kongresin e Vjenës, në konferencën e përvitshme që mbledh figura të rëndësishme politike dhe akademike nga mbarë bota, ish-ministri i Jashtëm i Kosovës, Enver Hoxhaj, ka bërë thirrje të drejtpërdrejtë për hapa konkretë të Bashkimit Evropian drejt anëtarësimit të vendeve të Ballkanit Perëndimor, përfshirë edhe Kosovën. Si një nga folësit kryesorë dhe anëtar i Bordit të Kongresit të Vjenës, Hoxhaj theksoi se pa integrimin e rajonit, projekti evropian mbetet i paplotë.
“Një Evropë nuk mund të ketë të ardhme të plotë pa integruar vendet e Ballkanit Perëndimor,” tha ai gjatë fjalimit. Hoxhaj kritikoi qasjen e deritanishme të BE-së, duke e cilësuar atë si tepër burokratike dhe të pafrytshme për dy dekada me radhë. Sipas tij, politika e reformave, standardeve dhe kushtëzimeve nuk ka prodhuar rezultatet e pritshme dhe e ka lënë rajonin në një pozitë të pafavorshme. “Për 20 vitet e fundit, qasja byrokratike e BE-së ka bërë që Ballkani Perëndimor të mbetet ekonomikisht i integruar, politikisht i përjashtuar dhe në rrafshin e sigurisë i varur nga BE-ja dhe NATO-ja,” u shpreh Hoxhaj. “Ky është interes i BE-së dhe interes i vendeve tona,” tha ai, duke nënvizuar se tani është momenti për vendime politike, jo vetëm për premtime.
