Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Unioni Evropian ka kërkuar që Serbia të bëjë zgjedhje të qarta strategjike në rrugën e saj drejt integrimit evropian, pasi Beogradi konfirmoi blerjen e raketave balistike supersonike nga Kina. Një zëdhënës i tyre deklaroi se rruga evropiane e Serbisë kërkon shmangien e varësive strategjike që nuk janë në përputhje me orientimin drejt Bashkimit Evropian dhe stabilitetit të kontinentit. Blerja u pranua publikisht nga presidenti serb Aleksandar Vuqiq, i cili tha se Serbia ka siguruar raketa të tipit CM-400 me fuqi të madhe shkatërruese. Me këtë, Serbia bëhet vendi i parë në Evropë që i posedon këto raketa, ndërsa më herët ato i kishte blerë vetëm Pakistan. Sipas të dhënave të Institutit, gjatë periudhës 2020–2024 Serbia ka importuar shumicën e armëve nga Kina (57%), më pas nga Russia (20%) dhe France (7.4%). Reagime për këtë zhvillim pati edhe nga rajoni. Kryeministri i Kroacisë, Andrej Plenkoviq, paralajmëroi se do ta njoftojë për këtë çështje NATO, duke theksuar se bëhet fjalë për një lloj të ri armatimi në arsenalin e ushtrisë serbe. Nga ana tjetër, ministri i Mbrojtjes i Kosovës, Ejup Maqedonci, deklaroi se arsyetimet e Beogradit për armatim mbrojtës nuk qëndrojnë, duke theksuar se blerjet e vazhdueshme të armëve nga Kina dhe Rusia tregojnë tendenca hegjemoniste ndaj vendeve fqinje.
