Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shqiptarët rezultojnë populli më entuziast në rajon për anëtarësim në Bashkimin Evropian. Sipas Eurobarometrit të vitit 2025, plot 92 për qind e qytetarëve në Shqipëri shprehen pro hyrjes në BE, ndërsa 82 për qind kanë një përshtypje pozitive për Unionin. Pas Shqipërisë, mbështetjen më të madhe për integrimin evropian e tregojnë qytetarët e Maqedonisë së Veriut dhe Gjeorgjisë. Në anën tjetër, më skeptikët mbeten serbët, ku vetëm 33 për qind e tyre duan që vendi i tyre të bëhet pjesë e BE-së. Megjithatë, Shqipëria dhe Kosova renditen ndër vendet më pak të preferuara nga vetë qytetarët e Bashkimit Evropian për t’u pranuar në Union. Vetëm 45 për qind e europianëve janë pro anëtarësimit të Shqipërisë, ndërsa Kosova gëzon mbështetjen e 43 për qind të tyre. Ukraina dhe Mali i Zi kanë një përkrahje më të lartë, mbi 50 për qind. Komisionerja për Zgjerim, Marta Kos, e cilësoi mbështetjen e shqiptarëve si sinjal inkurajues, duke e parë si pasqyrë të angazhimit qytetar për një të ardhme evropiane.
