Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Prokurorinë Themelore në Prishtinë, Fadil Kodra, ka dorëzuar një kallëzim penal kundër ministrit të Punëve të Brendshme Xhelal Sveçla. Fadil Kodra, i cili është shkarkuar nga pozita e drejtorit të Agjencisë për Menaxhimin e Emergjencave , e ka akuzuar Sveçlën për cenim të të drejtave në marrëdhëniet e punës dhe keqpërdorim të pozitës apo autoritetit zyrtar. Përmes avokatit të tij, Faton Fetahu, Kodra në kallëzimin penal që mban datën e 22 korrikut, e ka akuzuar Sveçlën se ia ka cenuar të drejtat, duke e hequr krejt nga pozita e zyrtarit publik. Avokati i Kodrës në kallëzimin penal ka shkruar se dëmi që e ka shkaktuar Sveçla, tejkalon shumën e 5 mijë eurove. Sipas tij, ajo që ka bërë ministri i MPB-së është e dënueshme me gjobë dhe burg prej 3 deri në 10 vjet.
