Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Familjar, bashkëluftëtar, autoritet e larta të shtetit dhe qytetar të shumtë përkujtuan dëshmorët në Rogovë të Hasit, Vraniq, Bishtazhin e Gadish, të rënë 24 vite më parë gjatë luftës çlirimtare. Për të përkujtuar jetën dhe veprëne tyre atdhetare e liridashëse, kryeministri, Albin Kurti ka përkujtuar sot 21 dëshmorët, luftëtarë të Ushtrisë Çlirimtare të Kosovës e civilë, të rënë më 29 janar të vitit 1999. Ai bërtë homazhe dhe te lapidari në Vraniq të Gjakovës, ku kujtoi katër dëshmorët e familjes Lleshi, Prend e Memë, Lleshi të rënë më 28 janar 1999 në betejën e Godeni si dhe Markë e Kolë Lleshi, të rënë më 7 gusht 1998 në betejën e Vraniqit,. Kryeministri, Albin Kurti kujtoi edhe dëshmorët Hamdi Berisha dhe Kasim Shala, duke vendosur lule të freskëta te ura e Bishtazhinit, ndërsa në Gadish nderoi jetën dhe veprën e Gasper Karaqi, i rënë dëshmorë më 28 janar 1999.
