Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Nismës Socialdemokrate, Fatmir Limaj, ka dërguar një mesazh të qartë drejt dy partive të mëdha opozitare, PDK-së dhe LDK-së, për mundësinë e krijimit të një alternative të bashkuar kundër Lëvizjes Vetëvendosje. Limaj tha se qytetarët kërkojnë veprime konkrete dhe jo vetëm premtime për një alternativë ndryshe. Sipas tij, dy partitë e mëdha kanë mundësinë që të krijojnë një bosht të fortë opozitar, dhe Nisma është e gatshme të kontribuojë në këtë bashkim nëse ekziston një projekt serioz dhe konkret. “Qytetari nuk mjaftohet me thanë ‘po vij me një alternativë ndryshe’. Ai don të shohë veprime konkrete. A po e bashkon këtë zë opozitar që kërkon një qeveri ndryshe? Kjo është pyetja për dy partitë e mëdha. Nisma është e gatshme të japë kontributin e saj, por duhet parë nëse ka hap serioz drejt krijimit të një alternative reale”, tha Limaj. Ai shtoi se aty ku është Nisma, është edhe mundësia për kryeministrin e ardhshëm të Kosovës, duke theksuar gatishmërinë e partisë për të qenë pjesë e një projekti që qytetarët të mund ta shohin si mundësi reale dhe konkrete.
