Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Nismës Socialdemokrate, Fatmir Limaj, ka reaguar pas zgjedhjes së Dimal Bashës si kryetar i Kuvendit të Kosovës, duke kërkuar një shpjegim nga Lëvizja Vetëvendosje për qytetarët lidhur me vonesat në procesin e zgjedhjes së kryeparlamentarit. “Le të japë një shpjegim pse e kanë vonuar vendin deri me tani sa muaj. Shpresoj që do ta kenë një shpjegim para qytetarëve të Kosovës pse është vonuar vendi deri me tani,” tha Limaj, duke theksuar rëndësinë e transparencës dhe përgjegjësisë politike. Dimal Basha u zgjodh sot kryeparlamentar pas muajsh të tërë ngërçi në Kuvend, duke marrë 73 vota për, me mbështetje nga Partia Demokratike e Aleanca për Ardhmërinë e Kosovës. Pavarësisht kësaj, Nisma Socialdemokrate ka abstenuar me tre deputetët e vet dhe më parë ka deklaruar se Limaj vetë ishte kandidati i saj për kryetar të Kuvendit. Reagimi i Limajt tregon pakënaqësinë e partisë së tij për mënyrën se si u zhvillua procesi, duke nënvizuar se vonesat dhe ngërçet politike kanë pasur ndikim në funksionimin e institucioneve dhe në perceptimin e qytetarëve për efikasitetin e Kuvendit.
