Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këtë të hënë, në gjykatën speciale në Hagë po dëshmon dëshmitari i tretë i thirrur nga mbrojtja e ish-presidentit Hashim Thaçi, John Stewart Duncan. Për dëshminë e tij, ka folur nënkryetari i OVL UÇK-së, Fatmir Sopi. Sopi ka theksuar se UÇK-ja u formua nën trysninë dhe terrorin e forcave serbe, duke shtuar se logjistikën e saj e ka siguruar populli i Kosovës. “Ky gjykim po merr një dimension të ri, ku dëshmojnë njerëz kredibilë, pjesëtarë të procesit nga ndërkombëtarët, të lidhur direkt me Ushtrinë Çlirimtare të Kosovës,” tha Sopi. Ai ka shtuar se UÇK-ja ka qenë një ushtri vullnetare, jo e formuar nga një vendim qeveritar apo shtet funksional, por e lindur nga nevoja për mbrojtje dhe rezistencë. “Është ushtri e cila ka buruar nga populli, dhe logjistikën e ka pasur nga qytetarët e Kosovës,” theksoi Sopi. Dëshmia e Duncan dhe komentet e Sopit reflektojnë rëndësinë e kontributit të popullit në formimin e UÇK-së dhe sfidat historike të saj gjatë luftës.
