leoni

Faza e parë e repelimit të kafshëve në komunën e Malishevës, përfundon këtë javë

04/04/2016 Institucionet

Sikur çdo të hëne, edhe sot, është mbajtur mbledhja e rregullt e Këshillit të Drejtorëve, i udhëhequr nga kryetari i Komunës së Malishevës, z.Ragip Begaj. Në këtë mbledhje, bazuar në raportimet e drejtorive, u bë e ditur, se faza e parë e repelimit të kafshëve, si masë parandaluese nga ethet hemorragjike, përfundon të mërkurën, ndërsa i tërë procesi, u vlerësua i suksesshëm.

Sipas shtabit komunal, për luftimin dhe parandalimin e etheve hemorragjike krime kongo, procesi i repelimit të kafshëve, është në përfundim, ku gjatë ditës së nesërme përfundon edhe fshati i fundit, ndërsa të mërkurën, do të bëhet repelimi në ato raste, ku për shkaqe të ndryshme nuk ka mundur të kryhet ky proces. Përndryshe, sipas drejtorisë së shëndetësisë, deri më tani janë të regjistruara 22 raste të thumbimeve nga rriqrat.

Në këtë mbledhje, u bë e ditur se shumë shpejt, pritet të filloj edhe largimi i deponive ilegale të mbeturinave, ndërsa gjatë muajit prill, drejtoria e shërbimeve publike, do të jetë e angazhuar në këtë drejtim, pasi paraprakisht i kanë evidentuar këto deponi.

Sa i përket investimeve kapitale, u bë e ditur, se tashmë kanë përfunduar ndërtimet e trotuareve në Damanek dhe Bubavec, kurse ndërtimi i shkollave, është duke vazhduar në Gurishtë dhe Bubavec, të cilat shumë shpejt do të jenë të gatshme, sikur po vazhdojnë punimet në ndërtimin e dy fushave sportive në shkollat e Llapqevës dhe Senikut.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara