Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Anëtari i Kryesisë së Nismës Socialdemokrate, Fazli Hoxha, ka deklaruar se liderit të kësaj partie, Fatmir Limaj, nuk i duhet vota e të gjithë deputetëve për t’u zgjedhur kryetar i Kuvendit, por mbështetja e atyre që vënë interesin e vendit mbi kalkulimet partiake. Hoxha theksoi se Kosova ka nevojë për institucione funksionale dhe jo për krizë e bllokim politik. “Fatmir Limajt nuk i duhet vota e të gjithë deputetëve për t’u zgjedhur kryetar i Kuvendit. Atij i duhet mbështetja e atyre deputetëve që vendosin interesin e vendit mbi interesat partiake, atyre që e kuptojnë se Kosova ka nevojë për institucione funksionale, jo për krizë dhe bllokim politik,” shkroi Hoxha. Ai shtoi se Kuvendi i Kosovës duhet të jetë vend i vendimmarrjes dhe stabilitetit, e jo arenë e lojërave të pafundta politike. “Kushdo që e ka prioritet ndërtimin e institucioneve dhe jo sabotimin e tyre, duhet ta marrë përgjegjësinë dhe të veprojë. Koha është për përgjegjësi dhe vendime që u shërbejnë qytetarëve,” përfundoi Hoxha.
