Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Demokratike të Kosovës, Ferat Shala, ka reaguar ndaj veprimeve të fundit të Presidentes Vjosa Osmani, duke e akuzuar për përfshirje në pazare politike lidhur me krijimin e institucioneve. Përmes një reagimi publik, Shala tha se kërkesa e Osmanit për masë të përkohshme në Gjykatën Kushtetuese dëshmon se ajo nuk po vepron në interes të qytetarëve, por për përfitime personale dhe kalkulime politike. “Presidentja e vendit duket se e ka hallin e vet si prioritet kryesor. Me kërkesën për masë të përkohshme në Gjykatën Kushtetuese, u bë krejtësisht e qartë se edhe Presidentja është pjesë e pazareve për krijimin e institucioneve,” shkroi Shala. Ai shtoi se Osmani nuk ka përcaktuar ende një pozicion të qartë dhe se, sipas tij, ajo po përpiqet të bindë një partner të ardhshëm politik, qoftë të ri apo të vjetër. “Sa më shumë kaos institucional, aq më të vlefshëm bëhen politikanët populistë para militantëve të tyre,” përfundoi Shala, duke lënë të kuptohet se kriza aktuale politike po përdoret për qëllime elektorale e strategjike nga disa figura kyçe në skenën politike.
