Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Njëvjetori nga ndarja fizike e profesorit të madh, bacës Ahmet Qeriqi, na sjell në kujtesë figurën e njeriut të dijes, të sakrificës dhe të qëndresës, si dhe shembullin më të mirë të dashurisë për atdhe.
Baci Ahmet i takon brezave të burrave të mëdhenj që qëndruan të pathyeshëm dhe nuk u përulën kurrë para padrejtësive ndaj kombit të tyre. Ai ishte dhe mbetet përjetësisht frymëzim për breza, duke sjellë guximin dhe shpresën për atdheun e lirë.
Ishte njeriu që mbolli tek ne frymën e atdhedashurisë dhe besimin se sakrifica dhe gjaku i derdhur për liri nuk humbasin kurrë.
Edhe pse sot nuk është në mesin tonë, vepra, kontributi, sakrifica dhe shpirti i tij i madh patriotik do të jetojnë përgjithmonë në zemrat e atyre që i njohin këto vlera madhështore.
Baci Ahmet, trashëgimia jote mbetet zë i zemrës, flakë lirie dhe krenari e përjetshme në atdheun tonë të lirë.
