Fitim Selimi: ALBIN KURTI : HUMBËS I VLERAVE DHE ASOCIAL NË POLITIKË

Në skenën politike shqiptare, pak figura ngjallin ndjenja kaq të përziera si Albin Kurti. Për shumë qytetarë, ai nuk shihet ndryshe veçse përnga ndikimi që mund të ketë – qoftë në dëm, qoftë në dobi – dhe kjo vetëm përmes forcës që i ka dhënë vota.

Askush nuk i zë rrugën në asnjë sektor; askush nuk e xhelozon dhe nuk e ka inat. Por kjo nuk e bën më pak problematik: ai nuk është njeri i shkencës, as i artit, as edhe i kulturës apo sportit. Nuk ushtron asnjë profesion tjetër dhe në politikë ka hyrë përmes një gjuhe të helmuar dhe mashtrimit, duke manipuluar ata që nuk arrijnë të vlerësojnë në mënyrë kritike veprimet e tij.

Si substancë vlere, Kurti është i zbrazët; si njeri, duket i ndarë nga ndjenjat njerëzore; si pjesëtar i kombit, është i vështirë të identifikohet; dhe si politikan, ai ka dështuar, duke prodhuar vetëm aversion tek faktorët politikë. Në thelb, ai është një figurë asociale.

Edhe në kushtet e pafuqisë tonë për të vepruar të pavarur, Kurti po bën çmos që të na xhveshë edhe nga mbështetja që na ka mundësuar mbijetesën dhe ngritjen në nivelin e dinjitetit.

Figura e tij nuk është e dhimbshme vetëm për kundërshtarët politikë, por edhe për vetë shoqërinë, sepse tregon sesi politika mund të mbetet një hapësirë e zbrazët, ku vlerat njerëzore dhe profesionale humbasin përballë gjuhës së mashtrimit dhe asocialitetit.

Mos mendoni që dikush i ka inat Albin Kurtit!