Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti politik dhe mjeku i luftës, Fitim Selimi, ka reaguar me tone të ashpra pas zhvillimeve të fundit në Kuvendin e Kosovës, duke e cilësuar situatën si një “degradim publik të shtetit”. Në reagimin e tij, Selimi u ndal te ndërprerja e fjalës së Ramush Haradinaj, të cilën nuk e konsideroi si një incident të izoluar, por si “simptomë të një mendësie që nuk duron historinë, sakrificën dhe të vërtetën”. Sipas tij, trajtimi i një figure që, siç shprehet ai, “ka dhënë gjithçka për vendin”, tregon për një klimë të rëndë politike dhe mungesë respekti institucional. Selimi kritikoi gjithashtu ashpër përfaqësues të pushtetit aktual, duke përmendur me tone të forta edhe Albulena Haxhiu dhe kryeministrin Albin Kurti, për të cilët përdori gjuhë akuzuese lidhur me mënyrën e qeverisjes. Në reagim përmendet edhe Donika Gërvalla-Schwarz, për të cilën Selimi shprehu kritika të forta në lidhje me deklarimet e saj për dosje që, sipas tij, lidhen me UÇK-në. Ai ngriti shqetësimin se në Kuvend po shtrohen çështje të rënda që, sipas tij, prekin vetë shtetin, ndërsa shtoi se “heshtja përballë sakrificës së dëshmorëve nuk është opsion, por tradhti”. Në fund, Selimi adreson një pyetje të drejtpërdrejtë për opinionin publik: “Deri kur kështu me këta horra?”, duke lënë të kuptohet për një pakënaqësi të thellë ndaj zhvillimeve aktuale politike në vend.
