Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Forca e Sigurisë së Kosovës është pajisur me fluturaket pa pilot RQ-20 Puma, të blera nga Shtetet e Bashkuara të Amerikës. Ky hap shihet si i rëndësishëm për forcimin e kapaciteteve të FSK-së, por ekspertët e aviacionit theksojnë se vendi duhet të ketë staf të trajnuar dhe të shkolluar për menaxhimin e këtyre dronëve. Afrim Aziri, ekspert i aviacionit, tha se në një kohë kur luftërat moderne përdorin gjithnjë e më shumë dronë në operacione luftarake, është jetike që Kosova të ketë kapacitete njerëzore të plota për përdorimin e tyre. Ai theksoi se dronët mund të përdoren për mbrojtje, monitorim të kufijve, fluturime inteligjente, përcjellje dhe mbrojtje kibernetike nga ajri. Njohësi i sigurisë, Arben Dashevci, shtoi se sikurse çdo vend demokratik, edhe Kosova duhet të zhvillojë kapacitete mbrojtëse të avancuara, duke pasur parasysh kërcënimet e vazhdueshme rajonale, veçanërisht nga Serbia. Ai nënvizoi se këto mjete janë të domosdoshme për një shtet që synon anëtarësimin në NATO dhe integrimin në strukturat e sigurisë evropiane. Ekspertët theksojnë se ndërtimi i kapaciteteve të avancuara mbrojtëse është një domosdoshmëri për të garantuar sigurinë dhe stabilitetin në rajon.
