Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i Forcës së Sigurisë së Kosovës, Gjenerallejtënant Bashkim Jashari, ka pritur në takim një delegacion të lartë nga Instituti Kërkimor Shkencor Ushtarak i Akademisë së Forcave të Armatosura të Shqipërisë. Takimi u zhvillua në kuadër të bashkëpunimit me Komandën e Doktrinës dhe Stërvitjes së FSK-së. Gjenerallejtënant Jashari vlerësoi lartë rolin e këtij institucioni në zhvillimin e kërkimeve shkencore ushtarake, duke e cilësuar si një faktor kyç për modernizimin e forcave të armatosura. Ai theksoi rëndësinë e rritjes së bashkëpunimit në fushën e sigurisë dhe mbrojtjes, me qëllim ndërtimin e kapaciteteve të avancuara dhe të përbashkëta. Në përfundim të takimit, të dyja palët u dakorduan të intensifikojnë bashkëpunimin në kërkimet ushtarake dhe aktivitetet profesionale të përbashkëta, duke hapur rrugë për projekte të reja në të ardhmen.
