Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Galeria Qahili hap ekspozitën e parë personale të Renea Begollit e titulluar “Pragu”, të mërkurën, me 8 shkurt 2023 duke filluar nga ora 19:00. Ekspozita “Pragu” e Renea Begollit e kuruar nga Yll Xhaferi paraqet një numër pikturash, imazhesh eksperimentale, fotografi dhe instalacione, të gjitha të fokusuara në eksplorimin e marrëdhënieve midis individit dhe shtresave të fizikalitetit.
“Duke u mbështetur nga përvojat e saj personale, puna e Begollit është thellësisht reflektuese dhe introspektive, duke tërhequr gjithashtu një vijë kryqëzimi të hapësirave private dhe publike dhe marrëdhëniet e trupit me ekosistemin. Ajo reflekton mbi gjendjet intime emocionale, gjithashtu me një perspektivë gjinore për imazhin e trupit dhe pritjetshmëritë sociale. Nëpërmjet punës së saj, ajo kërkon të ndërhyjë në hapësira dhe të krijojë imazhe që pasqyrojnë ndryshimet në ekosistem dhe peisazhet e mundshme të së ardhmes.” Pjesë e konceptit kuratorial të Yll Xhaferit.
Ekspozita do të qëndrojë e hapur deri me 4 mars 2023.
Ekspozita personale e Renea Begollit është pjesë e projekteve të Galerisë Qahili, si pjesë e thirrjes për artistët e rinj.
Galeria Qahili ekziston për të krijuar, ruajtur dhe promovuar artin; për të edukuar dhe angazhuar publikun përmes fushave të artit. Misioni i saj mbështetë lirinë artistike dhe ngritjen e marrëdhënies unike midis prodhimit dhe konsumit të artit.
