Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në ambientet e Ministrisë së Mbrojtjes, u mbajt ceremonia e pranim-dorëzimit të detyrës së drejtorit të Ekipit Këshillues dhe Ndërlidhës të NATO-s, me ç’rast drejtori aktual, gjeneral brigade Ralf Hamershtajn , i cili e ka udhëhequr NALT-in, që nga muaji mars 2023, i dorëzoi detyrën pasuesit të tij, gjeneral brigade Christian Nawrat. Të pranishëm në këtë ceremoni ishin: Kryeministri Kosovës Albin Kurti, ministri i Mbrojtjes Ejup Maqedonci, zëvendësministri, Shemsi Syla, komandanti i FSK-së, Bashkim Jashari, zëvendëskomandanti, gjeneral major Enver Cikaqi, oficerë dhe zyrtarë të lartë të Ministrisë së Mbrojtjes dhe të ftuar të tjerë. Mysafire speciale në këtë ceremoni ishte Shefja e Operacioneve Aktuale, Divizioni për Operacione i Shtabit të Përgjithshëm të NATO-s, Ariella Viehe, Komandanti i KFOR-it Gjeneralmajor General Özkan Ulutaş si dhe zëvendës komandanti i KFOR-it gjeneral brigade Luca Piperini.
