Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjenerali Christopher Cavoli, Komandant i Komandës Europiane të Shteteve të Bashkuara (EUCOM) dhe Komandant Suprem i Forcave Aleate për Europën, ndodhet në Tiranë për të marrë pjesë në Konferencën e 27-të të Shefave të Shtabit të Përgjithshëm të SHBA-Kartës së Adriatikut, e cila do të mbahet më 20 shtator. Gjatë qëndrimit të tij në Shqipëri, gjenerali amerikan zhvilloi takime të rëndësishme me presidentin Bajram Begaj, kryeministrin Edi Rama dhe ministrin e Mbrojtjes Pirro Vengu. Vizita e Cavolit u vlerësua si një hap që përforcon aleancën dhe partneritetin e ngushtë mes Shqipërisë dhe SHBA-së në fushën e mbrojtjes. Presidenti Begaj theksoi rëndësinë strategjike të rajonit të Ballkanit në kontekstin e konflikteve të vazhdueshme, si agresioni rus në Ukrainë dhe krizat në Lindjen e Mesme, duke nënvizuar përkushtimin e Shqipërisë për të përmbushur detyrimet e saj si pjesë e NATO-s dhe për stabilitetin rajonal.
