Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjermania po përballet me sfida të mëdha demografike dhe si pasojë, po kërkon të rekrutojë ushtarë, agjentë të shërbimit sekret dhe infermierë. Ushtria gjermane, Bundeswehr, dhe Shërbimi Sekret BND janë të pranishëm në panairin ndërkombëtar të lojërave kompjuterike Gamescom në Këln, ku po prezantojnë profesione përmes simulimeve dhe lojërave interaktive. Zëdhënësja e BND-së, Julia Linner, tha se synimi është që të rinjtë me aftësi digjitale dhe mendim kritik të interesohen për karrierë si agjentë, përmes një loje kompjuterike ku simulohet ndalimi i një sulmi kibernetik. Edhe ushtria po përdor teknologji dhe simulime për të tërhequr rekrutë të rinj. Ndërkohë, Gjermania po kërkon edhe infermierë nga jashtë vendit. Ministri i Jashtëm gjerman Johann Wadephul gjatë një vizite në Indonezi, bëri thirrje për më shumë bashkëpunim në fushën e shëndetësisë. Megjithëse vendi ka interes për punonjës indonezianë, numri i vizave për këtë kategori mbetet i ulët, për shkak të pengesave si njohja e diplomave dhe njohuritë gjuhësore.
