Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas pushimit veror, Gjykata speciale në Hagë do ta rinis aktivitetin e tyre të martën me konferencën përgatitore të mbrojtjes së ish-krerëve politikë dhe ushtarakë të Kosovës, Hashim Thaçi, Kadri Veseli, Jakup Krasniqi dhe Rexhep Selimi. Sipas avokatëve të mbrojtjes, dëshmitarët e propozuar nga ana e tyre, të cilët pritet të jenë personalitete të shquara, do të sfidojnë dhe përmbysin dëshmitë e paraqitura nga prokuroria. Procesi i gjykimit, i cili pritet të vazhdojë më 15 shtator me dëshminë e parë të mbrojtjes, është kritikuar nga monitoruesit për mungesë transparence ndaj publikut dhe për stërzgjatje të paarsyeshme. Avokati Skënder Musa tha se dëshmitarët e mbrojtjes do të rrëzojnë pretendimet e bazuara nga dëshmitarë të dyshimtë që bashkëpunojnë me Serbinë, duke e ndryshuar rrjedhën e gjykimit. Javën e kaluar, Apeli refuzoi kërkesat për lirim të përkohshëm të Kadri Veselit, Jakup Krasniqit dhe Rexhep Selimit, ndërsa prokuroria kërkoi nga gjykata ndalimin e vizitave familjare dhe të bashkëpunëtorëve për Hashim Thaçin, me pretendimin se po i transmetojnë informacion për situatën politike dhe ekonomike në Kosovë.
