Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një grumbull i madh me prova janë dorëzuar nga Prokuroria e Specializuar në Hagë, në momentet e fundit, para se t’i përmbyllej afati për paraqitjen e rastit të saj ndaj liderëve të Ushtrisë Çlirimtare të Kosovës (UÇK). Në mesin e shumë materialeve, ka edhe dokumente nga institucionet e Beogradit zyrtar. Gjyqtarët e Speciales i kanë pranuar ato në procesin gjyqësor.
Këto dokumente janë të lëshuara nga departamenti serb i sigurisë shtetërore, Ministria e Punëve të Brendshme e Serbisë (MUP) dhe nga Komanda e ashtuquajtur e përbashkët për “Kosovën dhe Metohinë”. Të gjitha këto prova me vulë të institucioneve të ndryshme të Beogradit zyrtar, do të rëndojnë mbi krerët e Ushtrisë Çlirimtare të Kosovës që po gjykohen në Hagë.
Ky është vendimi që e kanë marrë gjyqtarët e Speciales, duke aprovuar në masë të madhe kërkesën e Prokurorisë së Specializuar, për pranimin e provave të fundit në gjykim.
