Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokatët e krerëve të Ushtrisë Çlirimtare të Kosovës kanë kërkuar që të dinë nëse materialet shfajësuese që po nxjerrë Zyra e Prokurorit e kanë burimin te shërbimet sekrete apo te prokuroritë serbe. Avokati i Hashim Thaçit, Gregory Kehoe, tha se Zyra e Prokurorit të Gjykatës Speciale ka zyre në Beograd dhe kërkoi nga ky institucion që të tregojë se cilat materiale shfajësuese i ka marrë nga Serbia. “Të gjitha dokumentet e nxjerra nga serbët duhet të na i japin edhe neve. Zyra tha se deri më tani ka nxjerrë mbi 5 mijë 500 materiale shfajësuese dhe se po bën këtë sa më shpejt që po mundet. Por, avokatët përmenden disa raste kur materialet që Prokuroria i ka siguruar në vitin 2015, po nxirren tani për palën e mbrojtjes. Kjo sipas tyre po zvarrit procesin.
