Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
“Grupi i zjarrit” brenda BDI-së, në Maqedoni kërkon mobilizimin e anëtarësisë së këtij subjekti politik për të kërkuar llogaridhënie nga ata që kanë marrë përgjegjësi në ekzekutiv, kështu deklaroi nënkryetari i kësaj partie. deputeti, Izet Mexhiti. Ai ka saktësuar me këtë rast se pas kërkesës të para tre muajve filloi funksionimi institucional i organeve partiake, u hap diskutimi për llogaridhënie, por pas dy mbledhjeve u ndërpre puna në kryesi. Vërejtjet tona për mosrealizimin e premtimeve programore për zgjedhjet e vitit 2020 nuk u morën në shqyrtim dhe mbledhjet u mbyllën pa asnjë vendim. Prandaj ne vendosëm që t’i drejtohemi anëtarësisë, votuesve dhe opinionit publik për gjendjen në BDI.Vendimmarrja është bërë privilegj ekskluziv i një klani të ngushtë të Artan Grubit. Ne e kemi ngritur zërin për veprimet e Artan Grubit që janë në kundërshtim me qëndrimet e shumicës së anëtarëve të BDI-së, kjo ka sjellë te rënia e përkrahësve të votuesve dhe ka prodhuar përçarje përbrenda strukturave partiake”, ka saktësuar Izet Mexhiti, deputet i BDI-së.
