Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas njoftimeve se kryetari, Hashim Thaçi ka dërguar një pyetje Gjykatës Kushtetuese, nga e cila ka kërkuar që t’ia mundësoj anashkalimin e Kuvendit të Kosovës për marrëveshjet që ai mund t’i arrijë në të ardhmen me faktorët e jashtëm, ka reaguar edhe kryeministri Ramush Haradinaj. Ai ka thënë se askush nuk duhet t’i vërë në pikëpyetje kompetencat e Kuvendit. Asnjëherë nuk kemi vënë në pikëpyetje presidentin e kompetencat e tij, mirëpo nuk duhet të vihen në pikëpyetje as kompetencat e Kuvendit, ka theksuar kryeministri, Ramush Haradinaj. Ai ka shtuar më tutje se ndryshimi i kufijve asnjëherë nuk do ta ketë votën e tij. Kundër kësaj kërkese të kryetarit Hashim Thaçi kanë reaguar edhe zëra nga shoqëria civile.
