Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-deputeti i Kuvendit të Kosovës, Hisen Berisha, ka komentuar vizitën e kryeministrit në detyrë Albin Kurti dhe presidentes Vjosa Osmani në Nju-Jork, gjatë Asamblesë së Përgjithshme të Kombeve të Bashkuara. Berisha vlerëson se aty shihen dy realitete të kundërta: Presidenti i Serbisë, Aleksandar Vuçiq, zhvillon takime të rëndësishme me Sekretarin e Shtetit të SHBA-së, Marco Rubio, për konsolidimin e dialogut strategjik dhe bashkëpunimit ekonomik e të sigurisë. Nga ana tjetër, Kurti është parë duke u endur në korridore dhe duke takuar senatorë periferikë, ndërsa presidentja Osmani shihet më shumë në skenat protokollare, duke pritur tek shkallët e Departamentit të Shtetit. Berisha thekson se kjo situatë tregon mungesë aksesimi të qendër të fuqisë reale, duke e paraqitur Kosovën si “klient të dorës së dytë” përpara aleatëve strategjikë. Ai akuzon se Kurti dhe Osmani po përpiqen të paraqesin një raport normal me SHBA-në, ndërkohë që sipas tij, realiteti politik rrezikon stabilitetin dhe pavarësinë e shtetit. Sipas Berishës, këto zhvillime nuk janë rastësi, por pjesë e një skenari ku qarkujt globalistë po përpiqen të manipulojnë udhëheqësit aktualë për të dobësuar Kosovën nga brenda.
