Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Lidhjes Demokratike të Kosovës, Hykmete Bajrami, ka ngritur me shqetësim çështjen e, siç e ka quajtur ajo, ndërhyrjes së kundërligjshme të zëvendëskryeministrit në detyrë, Besnik Bislimi, në punën e Autoritetit të Konkurrencës. Bajrami ka theksuar se më 20 maj, ky institucion ka refuzuar pjesëmarrjen në një seancë të Kuvendit ku do të diskutohej konkurrenca në tregun e energjisë – edhe pse, sipas ligjit në fuqi, AKK është agjenci e pavarur që i përgjigjet drejtpërdrejt Kuvendit të Kosovës. Ndalohet çdo ndërhyrje politike, publike ose private që mund të cenojë pavarësinë ose paanshmërinë e Autoritetit”, ka cituar Bajrami nga ligji për AKK, duke shtuar se vetëm dy ditë më pas, më 22 maj, ky institucion ka pranuar të shkojë në takim me zv.kryeministrin Bislimi. “Një lutje kam – mos u thirrni në profesionalizëm e pavarësi, se as idenë nuk e keni çka janë ato koncepte,” ka përfunduar reagimin e saj Bajrami. sDeklarata e saj ngre pikëpyetje mbi funksionimin e institucioneve të pavarura dhe mbikëqyrjen parlamentare të tyre në një kontekst ku qeveria akuzohet për ndërhyrje direkte në mekanizmat rregullatorë të tregut.
