Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, ka ashpërsuar tonin kundër Lëvizjes Vetëvendosje dhe çdo mundësie për formimin e një Qeverie të re të udhëhequr nga Albin Kurti. Haradinaj deklaroi se “kushdo që ndihmon në formimin e Qeverisë Kurti III është argat i Serbisë dhe Rusisë”. Ai theksoi se ky është një qëndrim i pandryshueshëm dhe e quajti situatën “shumë serioze”. Ndërkohë, në një deklaratë të mëhershme gjatë ditës, Haradinaj tha se AAK është e gatshme ta votojë Glauk Konjufcën për kryetar të Kuvendit, në përpjekje për të zhbllokuar situatën politike aktuale. “Pa ndonjë marrëveshje, pa përfitime, vetëm për ta ndihmuar daljen nga kjo krizë, i kemi ofruar votat tona. Edhe Glauk Konjufcën, edhe atë e votojmë”, u shpreh Haradinaj, duke i bërë thirrje VV-së që të propozojë një kandidat unifikues dhe të pranueshëm për të gjitha palët.
