Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeministri i Kosovës, Isa Mustafa, ka drejtuar kritika të ashpra ndaj presidentes Vjosa Osmani dhe kryeministrit në detyrë Albin Kurti, duke i akuzuar se gjatë katër viteve të fundit kanë shpërfillur problemet reale të qytetarëve dhe janë fokusuar vetëm në retorikën e konfliktit me Serbinë. Mustafa tha se diskursi publik i dy krerëve institucionalë ka qenë i mbushur me tensione e paralajmërime lufte, duke lënë në harresë çështje kyçe si zhvillimi ekonomik, arsimi, shëndetësia dhe mirëqenia sociale. “Osmani dhe Kurti mbi katër vite çdo javë kanë folur për luftë me Serbinë. Ky ka qenë diskursi i saj dhe i Kurtit. Nuk ka qenë ekonomia, mirëqenia, zhvillimi i qëndrueshëm, arsimi i mirë, shëndetësia,” – tha Mustafa. “Veprimet kokë në vete, të pakoordinuara me NATO-n dhe faktorët relevantë ndërkombëtarë, sigurisht se mund të çojnë në konflikte. Ndryshe, ku qëndron arsyeja e prezencës ndërkombëtare ushtarake në Kosovë?”, shtoi ai. “Në cilësinë e presidentes, Vjosa duhet t’u tregojë qytetarëve se çfarë konflikti u parandalua kohëve të fundit. Ne s’mund ta pyesim Presidentin Trump, por po presidenten e Kosovës, dhe çfarë do të ndërmarrë ajo që të parandalohen rreziqet në të ardhmen,” përfundoi Mustafa.
