Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-aktivistët e pakënaqur të Vetëvendosjes që patën formuar subjektin ‘Fraksion+’, sot i janë bashkuar zyrtarisht Partisë Demokratike të Kosovës. Ky grupim politik i përbërë nga Ajnishahe Halimi, Arben Gecaj dhe Fatos Aliu, ka vendosur t’i bashkohet partisë së drejtuar nga Kadri Veseli. “Organizata politike Fraksion +, pas përmbylljes së veprimtarisë së vet mbi njëvjeçare, njofton opinionin se tek Partia Demokratike e Kosovës ka gjetur ambientin më të përshtatshëm dhe hapësirën më të madhe për të dhënë kontributin dhe për të zhvilluar vizionin e vet politik dhe profesional, ku edhe e sheh mundësinë për t’i zbatuar aspiratat e veta programore të cilat i ka përfaqësuar gjatë gjithë kohës së veprimtarisë, që nga dalja në skenë e deri më sot”, thuhet në njoftim. “Fraksion+” konsideron se anëtarët e saj të cilët do të ristrukturohen, do të mund të vijnë në shprehje në hapësirën që do të krijohet, për të mirën e reformave pozitive për vendin dhe qytetarët.
