Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-ambasadori i Holandës në Kosovë, Robert Bosch, ka shprehur mbështetje për deklaratën e ish-presidentit Hashim Thaçi, i cili kritikoi mbajtjen e seancës gjyqësore më 28 nëntor, duke e cilësuar këtë si një datë të papërshtatshme për shqiptarët. Bosch citoi Thaçin duke thënë se “si çdo popull tjetër, ne shqiptarët kemi historinë, traditat dhe vlerat tona kombëtare dhe shtetërore. Mendoj se mbajtja e kësaj seance më 28 nëntor duhej të ishte shmangur” dhe shtoi se është “dakord” me këtë pikëpamje. Ish-presidenti Thaçi, gjatë fjalës së tij në Hagë, theksoi se mbajtja e seancës në një datë festive kombëtare ishte e papërshtatshme dhe duhet të ishte evituar. Ai gjithashtu uroi qytetarët shqiptarë për 28 Nëntorin dhe bëri thirrje që festa të shënohet me unitet dhe krenari kombëtare. Bosch vlerësoi që respektimi i traditave dhe vlerave kombëtare është i rëndësishëm edhe në kontekstin e procedurave gjyqësore dhe theksoi rëndësinë e zbatimit të shtetit të së drejtës në mënyrë të drejtë dhe të barabartë.
