Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-krerët e Ushtrisë Çlirimtare të Kosovës, aktualisht të paraburgosur në Hagë, do të kenë mundësinë të ushtrojnë të drejtën e tyre, për të votuar në zgjedhjet parlamentare të Kosovës. Në qendrën e paraburgimit në Hagë ndodhen 12 të pandehur, të akuzuar për vepra të ndryshme penale. Gjykata Speciale ka siguruar që të gjithë të paraburgosurit do të kenë mundësi të votojnë. Në një deklaratë për media, ata konfirmuan se janë marrë të gjitha masat e nevojshme për të garantuar këtë të drejtë. Se a do të vendosin të votojnë dhe kur do ta bëjnë këtë është çështje personale e të paraburgosurve. Zëdhënësi i KQZ-së, Valmir Elezi, konfirmoi bashkëpunimin e ngushtë me Hagën, për realizimin e këtij procesi, duke siguruar që votimi do të organizohet në përputhje me rregullat dhe procedurat.
