Isuf Ismaili: Një takim mbresëlënës në Sarandë me profesor Xheladin Beqirin dhe një poezi e tij

19/08/2023 Kultura

Tema të tjera...

Dje pata kënaqësinë e madhe në Sarandë, në takimin që e pata me shumë të nderuarin Xheladin Beqiri, shok e mik shumë i dashur, me të cilin biseduam gjatë, u çmallëm, por e pashë edhe Muzeun e Traditës në Sarandë.

Xheladini është profesor i historisë, poet e këngëtar i shquar, gazetar me një zë shumë karakteristik e shumë të përshtatshëm, i cili i di shumë bukur të realizojë reportazhe me pamje e tekste mbresëlënëse. Ai dikur ka punuar edhe mësimdhënës në disa shkolla, por edhe telekronist i TVSH- së. Ai është nipi i të Heroit të Popullit Xheladin Beqiri – Karadaku, i cili ra trimërisht e heroikisht duke luftuar për çlirimin e Shqipërisë nga fashizmi e nazizmi.

Ai thur vargje shumë natyrshëm, bën tekste për këngët polifonike, të cilat po aq natyrshëm i këndon, meqë edhe është rritur, duke i kënduar trimërisë, heronjve e dëshmorëve, Kosovës dhe mbarë Shqipërisë, është mëkuar me këto ideale në shtratin e këngës polifonike, atje ku grykat e malet ushtojnë nga zëri i artistit të madh, këngëtarit të shquar Golik Jaupi, dajë i Xheladinit, por edhe nga përvoja e këngëtares së madhe Përparime Zilfaj mësoi dhe kështu së bashku me grupin e Bënçës kënduan e i tundën skenat shqiptare.

Rrënjët e tij shtrihen nga Karadaku i Gjilanit e deri në Nivicë, Progonat e Bënçë e në Sarandë.

Xheladini më shpjegoi se atë shtëpi, ku Muzeu i Traditës është, kishte punuar edhe bilbili i gjuhës shqipe, poeti e rilindësi ynë i madh Naim Frashëri, si doganier, pasi ishte sëmurur nga mushkëritë dhe për ajrin e pastër të Sarandës e klimën e përshtatshme ishte dërguar të punonte atje.

Në Ballë të Muzeut të Traditës është portreti i Naim Frashërit dhe vargjet e tij:

“Ti Shqipëri, më ep nderë, më ep emrin shqipëtar,

Zëmrën ti ma gatove plot me dëshirë dhe me zjarr”

Unë thashë:

− O Xhelo, vëllai, sa nevojë të madhe kanë këta brezat e rinj të mësojnë nga këto vargje, të ushqehen nga këto vargje, të kenë shumë dashuri për atdheun si tërësi shqiptare. Ne jemi ata që u rritëm me vargjet e Naimit, të rilindësve tanë.

− Po, − më tha ai, − të gjitha trevat shqiptare duhet të bashkohen sa më parë, ndryshe nuk mund të qëndrojmë siç duhet, si komb, si Shqipëri.

Më kujtohet një fjali që e kam lexuar në një roman:

“Trojet e gjuhës shqipe duhet të bashkohen”

Ashtu, siç më tha edhe Xheladini.

Ja edhe disa vargje të mrekullueshme nga Xheladin Beqiri:

Adem biri i shqiptarisë

Ngreu Adem të pret Prekazi,

Të mbjellësh farë dardani,

Farë nga burrat e stëralltë,

Buletini dhe Selami,

U çudit një botë e mbarë,

Këta qenkan sua trimi,