Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Gjykatën speciale në Hagë ka vazhduar dëshmia e ish-këshilltarit të NATO-s, John Stewart Duncan, i ftuar nga mbrojtja e ish-presidentit të Kosovës, Hashim Thaçi. Duncan u pyet për pamjen dhe sjelljen e pjesëtarëve të Ushtrisë Çlirimtare të Kosovës, duke theksuar se kjo shihej edhe në fotografitë e paraqitura gjatë procesit gjyqësor. Duke kujtuar figurën e Ramush Haradinajt, ai e përshkroi atë si një personazh të veçantë, që i linte mbresa. “Ramushi është karakter i veçantë. Ishte si në filmat e Rambos. E mbaj mend se kishte një emblemë në krah. Të binte në sy si personazh. Fliste goxha, i dëgjohej zëri shpesh,” u shpreh Duncan. Ai shtoi se gjatë kontakteve me UÇK-në, pengesë ishte gjuha, pasi shumica e luftëtarëve nuk flisnin anglisht. “Haradinaj fliste pak, por pjesa tjetër nuk fliste. Megjithatë ishte shumë e qartë se me këta persona duhej të komunikonim,” tha ai. Dëshmia e Duncan është pjesë e procesit gjyqësor që po zhvillohet ndaj ish-krerëve të UÇK-së, të cilët po përballen me akuzat e Zyrës së Prokurorit të Specializuar.
