Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i politikës së jashtme të Bashkimit Evropian, Josep Borrell, tha se marrëveshja përfundimtare midis Kosovës dhe Serbisë do të zgjidhë, ndër të tjera, edhe çështjen e përfaqësimit ligjor të Kosovës në nisma të ndryshme rajonale. Borrell i bëri komentet në një përgjigje me shkrim në pyetjen e deputetëve të Parlamentit Evropian, e cila i referohet, siç thuhet në titull të pyetjes, “mungesës së koherencës në përfaqësimin ligjor të Kosovës”. Ai konfirmoi se autoritetet e Kosovës janë të interesuara që vendi të mos përfaqësohet më nga Misioni i Kombeve të Bashkuara në Kosovë në forume rajonale. Ai kujtoi se pas marrëveshjes së arritur në vitin 2012 në dialogun Kosovë-Serbi, “Kosova merr pjesë dhe flet vetë në forumet rajonale”, me kusht që tek emri i saj të vendosë një fusnotë.
