Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Raportues i Bundestagut për Ballkanin Perëndimor, Josip Juratoviq, është shprehur zhgënjimin e tij me zhvillimet e fundit në dialogun Kosovë-Serbi, duke kritikuar ashpër kryeministrin e Kosovës, Albin Kurti, dhe presidentin e Serbisë, Aleksandër Vuçiq. Të dy liderët kanë dështuar në përmbushjen e zotimeve të tyre dhe po e mbajnë dialogun në një gjendje ngërçi, duke negociuar “me një fik në xhep” – një shprehje që përshkruan një qasje ku palët ruajnë qëllime të fshehta. Juratoviq, i cili më parë kishte mbështetur Kurtin për premtimet e tij për demokratizimin e Kosovës, tani e shpreh hapur zhgënjimin e tij. “Dikur e mbështeta Kurtin sepse ai premtoi të shkëputej nga koalicioni i luftës dhe të demokratizonte Kosovën, por ai nuk e përmbushi premtimin e tij,” tha ai. Juratoviq beson se Kurti dhe Vuçiq janë bërë “partnerë idealë” për ruajtjen e tensioneve politike, duke thënë se të dy liderët nuk po veprojnë me ndershmëri dhe janë “ngulur thellë në problemin e Kosovës dhe Serbisë”.
