Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-komandanti i Forcës së Sigurisë së Kosovës (FSK) dhe ish-deputeti i Kuvendit, Kadri Kastrati, ka reaguar pas arrestimit në Kroaci të një shtetaseje serbe, ish-punonjëse e UNMIK-ut dhe EULEX-it, e dyshuar për spiunazh. Kastrati theksoi se ky rast duhet të shqetësojë më shumë Kosovën sesa Kroacinë, pasi aktivitetet e të dyshuarës lidhen drejtpërdrejt me sigurinë kombëtare të vendit. “Kjo zonjë, ish-punonjëse e UNMIK-ut dhe EULEX-it, ka pasur kontakte edhe me Zyrën e Kryeministrit të Kosovës, sipas raportimeve në Kroaci. Kjo tregon se njerëz që punojnë në kabinetet e kryeministrit dhe ministrave ndoshta nuk kanë certifikata sigurie dhe nuk janë të verifikuar nga AKI. Ky është një dështim serioz i sistemit të sigurisë sonë”, deklaroi ai. Sipas tij, e dyshuara ka mundur të raportojë për lëvizjet e KFOR-it, Forcave Speciale, Policisë së Kosovës dhe për aktivitetet e institucioneve vendore, duke rrezikuar sigurinë kombëtare. “Po të isha kryeministër, do të kisha kërkuar menjëherë riverifikimin e të gjithë të punësuarve në kabinetin e kryeministrit dhe ministrave, sepse është e qartë që sistemi i sigurisë nuk po funksionon dhe AKI-ja nuk ka mbështetje të mjaftueshme politike”, theksoi Kastrati.
