Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Komitetit Olimpik Ndërkombëtar, Thomas Bach deklaroi se sot përfunduan Lojërat Olimpike “Tokio 2020” të mbajtura në kushte të jashtëzakonshme dhe një vit me vonesë për shkak të pandemisë. Ai theksoi se ngjarja sportive 16 ditore i solli botës njëfarë shprese gjatë pandemisë koronavirusit. ”Që nga fillimi i pandemisë, për herë të parë e gjithë bota u bashkua. Ne epiqendër u kthye sporti. Duke ndarë momente gëzimi dhe frymëzimi, miliarda njerëz në të gjithë globin u bashkuan përmes emocioneve. Kjo na jep shpresë për të ardhmën, na jep besim” , tha në mes tjerash shefi i Komitetit Olimpik Ndërkombëtar, Thomas Bach. Në këto Lojëra Olimpike, vendi ynë fitoi dy medlaje të arta nga xhudistët, Nora Gjakova dhe Distria Krasniqi ndërsa shteti që fitoi më së shumti medalje të arta janë Shtetet e Bashkuara të Amerikës që fituan 39 të tilla pasuar nga Kina me 38. Lojërat Olimpike të radhës do të mbahen në vitin 2024 dhe do të zhvillohen në kryeqendre e Francës, në Paris.
