Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nën udhëheqjen e kryetarit të komunës dhe kryesuesit Smajl Latifi, Këshilli Komunal për Siguri në Bashkësi (KKSB) në komunën e Rahovecit, gjatë ditës së mërkurë ka mbajtur mbledhjen e pestë për vitin 2021, situata e sigurisë u vlerësua e qetë dhe stabile, kurse situata me pandemi është e rënduar por që është e menagjueshme.
Kryetari dhe kryesuesi i KKSB-së, Smajl Latifi për pikën e parë që kishte të bënte me Informatë rreth situatës së krijuar nga pandemia Covid-19, ka thënë se per disa javë nuk kemi pasur asnjë rast të infektuar me të infektuar por që ditëve të fundit rastet janë rritur. Vaksinimi i qytetarëve me vaksina është duke vazhduar edhe më tutje dhe deri më tani janë vaksinuar 29 mijë e 660 qytetarë, një pjesë e tyre janë të vaksinuar me një dozë, kurse një numër më i vogël i tyre janë të vaksinuar me të dy dozat. Testet rapide përveç në Qendrën Kryesore të Mjekësisë Familjare në Rahovec, janë duke u bërë edhe në Ambulantat e Mjekësisë Familjare në fshatrat Krushë e Madhe dhe Ratkoc.
Ndërsa për pikën e dytë të rendit të ditës kryetari dhe kryesuesi i KKSB, Smajl Latifi është shprehur se situata e sigurisë në gjithë territorin e komunës së Rahovecit është e qetë, këtë konstatim e thëm duke u bazuar në të dhënat që kemi si autoritete komunale.
Për situatën e sigurisë në komunën e Rahovecit ka raportuar toger Bekim Vuçiterna, Shef i Sektorit të Operatives në Stacionin e Policisë në Rahovec i cili ka thënë se të dhënat e paraqitura në këtë raport janë për periudhën 9 qershor deri më 7 shtator 2021, dhe se situata e sigurisë ne komunën e Rahovecit paraqitet e qete dhe stabile gjate periudhës raportuese, andaj Policia e Kosovës ne kuadër te punës policore ne vazhdimësi angazhohet me detyra dhe aktivitete te shumta policore ku përkujdeset qe siguria e përgjithshme te jete ne nivel te kënaqshme për gjithë qytetaret ku ata mund te jetojnë të qetë ne një ambient te sigurt dhe pa frike.
Tutje në raportin e tij togeri Vuçiterna është shprehur se për këtë periudhë raportuese janë dhënë 714 gjoba bazuar në Ligjin NR 07/L-006, për parandalimin dhe luftimin e pandemisë Covid-19, prej tyre; 667 gjoba për mos vendosjen e maskës mbrojtëse, 44 gjoba për mos respektim te orarit te lëvizjes dhe dhe 3 gjoba për organizime-ahengje te ndaluara. Gjatë kësaj periudhe raportuese janë iniciuar gjithsejtë: 156 raste, prej tyre 149 vepra penale dhe 7 incidente të ndryshme. Nga këto raste mund të veçojmë disa vepra më të rënda: 14 raste vjedhje, 29 raste vjedhje të rënda, 11 raste dhunë në familje, 6 raste armë mbajtje pa leje dhe rrëzimi Rrezikim i trafikut publik me veprim apo mjete te Rrezikshme 1 rast (ne rrugën tranzit Ratkoc-Sapniq-Xerxe). Për këtë përudhë raportuese për siguria në komunikacionin rrugor janë shënuar; 1726 kundërvajtje, 1701 gjoba për kundërvajtje ne komunikacionin rrugor dhe 25 kundërvajtje për Prishje të Rendit dhe Qetësisë Publike.
