Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në gjykaten speciale të Kosovës në Hagë, ku po zhvillohet gjyqi ndaj ish-krerëve të UÇK-së, ka qenë i pranishëm sot edhe Klestor Veseli, djali i ish-kryetarit të Kuvendit të Kosovës, Kadri Veseli. Përveç tij, në sallën e gjykatës kanë marrë pjesë edhe familjarë të ish-presidentit Hashim Thaçi, të cilët po ndjekin nga afër procesin gjyqësor dhe dëshmitë e para të mbrojtjes. Seanca e sotme shënon një moment të rëndësishëm, pasi pritet dëshmia e James Rubin, ish-ndihmës sekretar amerikan i Shtetit dhe zëdhënës i afërt i ish-sekretares Madeleine Albright, i cili është dëshmitari i parë i ftuar nga mbrojtja e Thaçit. Prania e familjarëve në sallë shihet si një shenjë e mbështetjes së fortë morale për të akuzuarit, të cilët vazhdojnë të këmbëngulin në pafajësinë e tyre.
