Klina përgatitet për Festivalin Folklorik “ I këndojmë Lirisë”

22/04/2016 Institucionet

Këshilli Organizativ, ka nisur përgatitjet për mbajtjen e festivalit folklorik gjithëkombëtar “ I Këndojmë lirisë”, i 16 me radhë që mbahet në klinë dhe që i kushtohet ditëlindjes së komandantit të UÇK-së Mujë Krasniqi- Kapuçi.

Kryetari i Komunës së Klinës, z. Sokol Bashota ka falënderuar të gjitha ata që kanë dhënë kontribut në organizimin e këtij festivali dhe me pas foli për  rëndësinë dhe vlerat e arritura të Festivalit “I këndojmë lirisë”, i cili tashmë ka marrë karakter mbarëkombëtar.  “Festivali tradicional “I këndojmë lirisë” është një festival që tashmë ka karakter tradicional dhe me karakter mbarëkombëtar, që kemi arritur të tubojmë ansamble dhe grupe artistike nga gjitha hapësirat tona etnike, të cilat para artdashësve tanë  kanë shpalosur vlerat artistike dhe të kulturës  nga të gjitha ato vise nga kanë ardhur, që kanë mundësuar që ky festival të shndërrohet në një festival me vlera më të mirëfillta  gjithëkombëtare të folklorit tonë, duke u bërë kështu edhe numër një i festivalet që organizohen në vendin tonë”, tha Bashota. Janë zgjedhur edhe organet e Festivalit, Prend Buzhala drejtor, sekretar Skender Behramaj, kurse zëdhënës Enver Maloku. Festivali do të mbahet më 6, 7 dhe 8 qershor të këtij viti. Janë zgjedhur edhe grupet punese për të gjitha aktivitetet e këtij festivali. Këshilli artistik në përbërje Halit Krasniqi, Fatmir Berisha dhe Daut Gashi, tashme kanë nisur aktivitetin e tyre në kontaktimin e grupeve nga gjitha viset shqiptare për të sjelle grupe dhe instrumentist në ketë festival. Ndërkaq, festivali ka edhe karakter garues, ndërsa çmimi kryesor i këtij manifestimi folklorik mbarëkombëtar është “Mujë Krasniqi”. Në kuadër të festivalit do të mbahen edhe gara sportive në futboll, volejboll, shah dhe pingpong, tribuna shkencore, orë letrare, kurse pjese e festivalit do të jetë edhe botimi i revistës Lyra.

Kontrolloni gjithashtu

Komuna e Deçanit nënshkruan marrëveshje bashkëpunimi me kompaninë PMN Sh.P.K

Komuna e Deçanit ka nënshkruar marrëveshje bashkëpunimi me kompaninë PMN Sh.PK. “Nënshkruam kontratën me kompaninë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara