Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli për Mbrojtjen e të Drejtave dhe Lirive të Njeriut, ka denoncuar manipulimet e zgjedhjeve të 28 dhjetorit, duke theksuar shpërputhje të mëdha mes votave reale dhe atyre të publikuara, veçanërisht në Prizren. Sipas KMDLNj-së, më pak se 40% e vendvotimeve që duheshin rinumëruar janë shqyrtuar, duke zbuluar “keqpërdorime industriale të vullnetit të qytetarëve”. Këshilli konsideron këto zgjedhje të padrejta dhe të manipuluara, dhe kërkon rivotim të plotë në të gjitha vendvotimet, si dhe hetime gjithëpërfshirëse për të gjithë ata që kanë kontribuar ose kanë lejuar vjedhjen e votave. Policia dhe Prokuroria Speciale sipas KMDLNj-së kanë kapacitet për të zbuluar përgjegjësitë dhe për t’i dërguar ato në gjykatë. KMDLNj paralajmëron për pasojat ligjore dhe politike për aktorët e përfshirë, duke i krahasuar me skandalin e njohur sportiv “Calciopoli” në Itali, ku korrupsioni i organizuar u ndëshkua me përjashtimin nga Serie A. Këshilli thekson se e drejta për të votuar dhe për t’u votuar është elementare dhe kushtetuese, dhe shkeljet e saj nuk duhet të mbeten pa përgjegjësi.
