Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli për Mbrojtjen e të Drejtave dhe Lirive të Njeriut ka kërkuar nga kryetarja Jahjaga, që kandidatët politikë të mos i dekretojë në Gjykatën Kushtetuese. Këshilli ka mbikëqyrur procesin e përzgjedhjes së kandidatëve për Gjykatë Kushtetuese, që nga faza e konkurimit, deri te votimi në Kuvendin e Kosovës, ka qenë dhe është kundër politizimit të Gjykatës Kushtetuese në ndërkohë që në dy votimet ( ai i parafundit që dështoi dhe ky i fundit që duhet të përsëritet) është përpjekje për të ndikuar politikisht në punën e Gjykatës përmes votimit të kandidatëve puro politikë e që kanë qenë kandidat për zgjedhje për deputetë në zgjedhjet e fundit. Selvete Gërxhaliu – Krasniqi ka qenë kandidate e LDK-së për deputete prandaj zgjedhja e saj gjyqtare e Gjykatës Kushtetuese do të ishte në kundërshtim me moralin, konflikt interesi dhe interferim i drejtpërdrejtë politik, thuhet në mes tjerash në komunikatën e Këshilli për Mbrojtjen e të Drejtave dhe Lirive të Njeriut.
