Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i Komandës Rajonale Lindje të KFOR-it, kolonel Peter Helzer, ka deklaruar se situata në veriun e Kosovës është aktualisht e qetë, por mbetet e brishtë për shkak të tensioneve të pazgjidhura ndërmjet Kosovës dhe Serbisë. Koloneli Helzer paralajmëroi se zona mbetet e prirë ndaj përshkallëzimeve të papritura, të nxitura shpesh nga retorika nxitëse dhe dezinformimi. Ai tha se mungesa e një epilogu në dialogun ndërmjet dy vendeve mban të hapur mundësinë për tensione të reja. KFOR-i ka rritur dukshëm prezencën në veri dhe përgjatë gjithë vijës kufitare Kosovë–Serbi, me synimin për të parandaluar çdo destabilizim të mundshëm.
“NATO vendosi deri në 1000 trupa shtesë në Kosovë – përforcimi më i madh në një dekadë,” tha Helzer, duke shtuar se aktualisht KFOR-i përbëhet nga më shumë se 4700 trupa nga 33 shtete. Komandanti theksoi se komanda e KFOR-it ka fleksibilitet të plotë për të reaguar me efikasitet ndaj çdo kërcënimi që mund të paraqitet në terren.
