Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i KFOR-it në Kosovë, gjeneralmajor Enrico Barduani, ka pritur sot në “Film City” përfaqësuesen speciale të Sekretarit të Përgjithshëm të NATO-s për gratë, paqen dhe sigurinë, znj. Irene Fellin. Sipas njoftimit zyrtar të misionit të NATO-s në Kosovë, ky takim u vlerësua si një mundësi e rëndësishme për të shkëmbyer ide dhe përvoja mbi zbatimin e agjendës së grave, paqes dhe sigurisë, në përputhje me Rezolutën 1325 të Këshillit të Sigurimit të OKB-së. “KFOR-i mbetet i përkushtuar ndaj mandatit të tij sipas Rezolutës 1244 të KS të OKB-së, për të kontribuar në një mjedis të sigurt dhe të qëndrueshëm për të gjithë qytetarët e Kosovës dhe për të garantuar lirinë e lëvizjes, në mënyrë të paanshme dhe të pandërprerë,” thuhet në komunikatë. Bisedimet u zhvilluan në vazhdën e konferencës dyditore të KFOR-it mbi rolin e grave në paqe dhe siguri, të mbajtur më 27 dhe 28 maj në Selanik, Greqi.
