Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisioni Qeveritar për Personat e Zhdukur ka njoftuar se nesër do të zhvillohen inspektime në terren në fshatin Kozhle, afër Novi Pazarit, për shkak të dyshimeve për ekzistencën e një varri masiv. Ky veprim vjen si rezultat i kërkesave të vazhdueshme në kuadër të takimeve dhe dialogut për zbardhjen e fatit të personave të zhdukur gjatë luftës në Kosovë. Komisioni theksoi se lokacioni në Kozhle është trajtuar edhe më parë, por gërmimet vitin e kaluar u ndërprenë pas disa ditësh përgatitje. Inspektimet do të shoqërohen me të dhëna nga arkivat e institucioneve serbe, për të saktësuar vendndodhjen e varrit dhe për të siguruar provat e nevojshme për zbardhjen e plotë të rastit. Përfaqësues të Delegacionit të Kosovës, Komisionit Qeveritar për Persona të Zhdukur dhe Institutit të Mjekësisë Ligjore do të jenë prezent gjatë inspektimeve. Komisioni thekson rëndësinë e këtij hapi për familjet që presin përgjigje për më shumë se dy dekada, duke e konsideruar zbardhjen e të vërtetës si një hap drejt drejtësisë, paqes dhe dinjitetit njerëzor.
