Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komiteti i Punëve të Jashtme të Parlamentit Evropian miratoi një raport për luftën kundër krimit të organizuar në Ballkanin Perëndimor, ku thuhet se vendet e rajonit duhet të hapin dosjet e shërbimeve sekrete jugosllave sa më shpejt që të jetë e mundur për të çrrënjosur politikën dhe lidhjet administrative me krimin e organizuar. Komiteti vëren në një raport të lëshuar të martën se lidhjet midis krimit të organizuar, politikës dhe biznesit ekzistonin përpara shpërbërjes së Jugosllavisë dhe kanë vazhduar që nga vitet 1990. “Komitet përsërit thirrjen epër të hapur arkivat e ish-Jugosllavisë, dhe në veçanti për të siguruar qasje në dosjet e ish-Shërbimit Sekret Jugosllav UDBA dhe Shërbimit Sekret të Ushtrisë Popullore Jugosllave – KOS, dhe t’i kthejë dosjet në qeveritë përkatëse”, thuhet në dokument, të cilit i referohet Zëri i Amerikës. Komiteti thekson rëndësinë e bashkëpunimit dhe shkëmbimit të inteligjencës me partnerët ndërkombëtarë si Shtetet e Bashkuara, Mbretëria e Bashkuar dhe organizatat ndërkombëtare. Komiteti u bëri thirrje qeverive të Ballkanit Perëndimor që të punojnë kryesisht në shkatërrimin e organizatave kriminale në vend që të fokusohen në rastet individuale.
