Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bordi i Zyrës së Rregullatorit për Energji, ka licencuar sot për tregtim të energjisë elektrike kompaninë “Management & Development Associates”, e themeluar nga Luan Dalipi, shef i kabinetit të kryeministrit Albin Kurti. Licenca është dhënë në seancën e tetë të Bordit për këtë vit, ku një licencë e tillë iu dha edhe kompanisë “Energy Kosova V.B”. Lajmi ka rikthyer në vëmendje debatin publik për konflikt interesi, pasi më herët ishte raportuar se vëllai i Dalipit, Driton Dalipi, ka marrë drejtimin e kësaj kompanie dhe po hyn në tregun e liberalizuar të energjisë. Partia Demokratike e Kosovës kishte denoncuar këtë zhvillim si përpjekje për përfitim përmes pozitave zyrtare, ndërsa vetë Luan Dalipi pati reaguar, duke thënë se nuk ka asnjë ndërhyrje nga ana e tij dhe se vëllai i tij është thjesht një qytetar i lirë që ka vendosur të operojë në tregun energjetik sipas rregullave. Ai akuzoi mediat për fryrje të temës dhe për keqinterpretime. ZRrE ka njoftuar gjithashtu se në këtë mbledhje janë shqyrtuar edhe 25 kërkesa për vetëkonsum dhe janë adresuar ankesa të konsumatorëve. /nacionale/
