Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kongresisti amerikan Brian Mast, njëherësh kryetar i Komitetit për Punë të Jashtme në Dhomën e Përfaqësuesve, ka paraqitur një amendament për t’u miratuar në Kongres, me të cilin kërkohet mbështetja e Shteteve të Bashkuara të Amerikës për anëtarësimin e Kosovës në NATO. Kjo është bërë e ditur nga organizata “Albanians for America”, e cila ka theksuar se përmes këtij amendamenti, përfaqësuesi republikan nga Florida kërkon gjithashtu angazhim më të madh të SHBA-së në Ballkan dhe një gjuhë të qartë në raport me rajonin. Aktivisti i njohur shqiptar në SHBA, Martin Vulaj, ka reaguar për këtë zhvillim duke e cilësuar si një lajm të shkëlqyer dhe dëshmi të angazhimit të diasporës shqiptaro-amerikane. “Lajm i shkëlqyer dhe punë e shkëlqyer nga individë të përkushtuar. Diaspora shqiptaro-amerikane po zgjohet”, ka shkruar Vulaj.
